Punjab-ah self-styled pastor dam chhung tang turin hrem

Punjab-a Mohali court chuan nimin khan kum 2018 daih tawha mipat hmeichhiatna lam hawi thubuai vanga man, self-styled pastor Bajinder Singh chu dam chhunga lungin tang turin a chung thu a rel. A kar lakah chhuah lailawk a ni lo ang. He thutlukna hi Additional district and session judge Vikrant Gupta chuan a puang.

Thiamloh chantir self-styled pastor Bajinder Singh hi kum 42 mi niin, 'Yeshu Yeshu Prophet' tia hriat lar a ni bawk. Kum 2018, April 20-a Zirakpur police station-a thubuai theh luh a ni khan Singh bakah mi dang panga pawh man tel niin pawngsual kaihhnawihah an laka FIR theh luh a ni. Mi dang rinhlelh mante earawh chu chhuah leh vek an ni. Singh pawh hi 2018-a man a nih hnuin dam lo chhuahlamin bail-a chhuah lailawk a lo ni fo tawh a ni. Mahse a hnuah court-ah a inlan duh loh avangin court chuan a lakah no-bailale warrants (NBWs) a ti chhuak.

Bajinder Sing hian Jalandhar-ah biakin pahnih, ‘The Church of Glory and Wisdom’, Tajpur (Jalandhar) leh Majri (Mohali)ah enkawlin, YouTube kaltlangin a sermon te hi pek chhuah ṭhin a ni. A YouTube hian subscriber mtd 3.74 a nei a ni. Singh hi kum 2012 khan Kristian-ah in letin mi tam takin a hnung zuiin tih dam rawngbawlna te a kalpui ṭhin a bawk.

Kumin February 28 khan mipat hmeichhiatna lam hawi vang bawk hian a lakah complaint thehluh a ni. Heng bakah hian hmeichhia leh mipa inhnial buai a beng lai chu CCTV aṭanga hmuh leh niin hengte avang hian thubuai thar a neih belh leh bawk.