Andaman tliarkarah US mi leh sa pakhat man a ni

US khua leh tui nihna nei, kum 24 mi chu tunkar Nilaini khan Andaman and Nicobar Islands-a North Sentinel Island tribal reserve area tlawh pawh phal lohna hmun a tlawh avang leh, tribal awm te thla a lak sak avangin man a nih thu police in an tarlang. An mi man hi Mykhailo Viktorovych Polyakov niin CID chuan an tarlang.

Polyakov hi March 26 khan Port Blair a thleng a, North Sentinel Island kal tumin Kurma Dera tuipui kam aṭangin a pan nghal a. Tuipui kam aṭang hian lawngleng hmangin coconut leh cola bur chu Sentinelese tribe-te hnena pek tur hian a keng tel bawk niin poice lam chuan an tarlang.

Heng dan phal loh thil a ti lai hi tualchhung sangha mantuten lo hmu in man a ni zui ta a ni.

Police lam pawhin heng thil hi uluk taka ruahmanin, sik leh sa bakah tupuia tui chet vel dan te chu North Sentinwl Island thlenna tur hian thil tam tak a lo zirchiang niin an tarlang. Hun a hman chhung hian a awmna chin a hriat theih nan GPS a hmang reng bawk.

Polyakov hi police thuneihna hnuaiah kawl mek niin thil dang chhui chian tur nan an la kawl rih niin an sawi.Foreigners Act, 1946 leh Andaman & Nicobar Islands (Protection of Aboriginal Tribes) Amendment Regulation tlawh chhanin thubuai siam sak a ni.