IAF fighter jet chesualah pilot thi

Indian Air Force(IAF) thlawhtheihna, trainer jet an tih 'Jaguar fighter jet' chu tunkar Nilaini khan tihdan phung pangngaia an thlawh kualnaah chesualin pilot pakkhat a thi. IAF jet chetsualna hmun hi Jamnagar, Gujarat-a IAF station niin an tarlang. March 7 khan Jaguar fighter tho hi thlawh chhinna an neih laiin Ambala-ah a lo tla tawh bawk a ni.

Chetsualna thleng chungchangah IAF chuan nimin Ningani khan thuchhuah a siam a, a khawl lamah chian lohna a awm niin an tarlang. IAF thlawhtheihna Jaguar fighter jet hi mi pahnih chuan theihna niin khawl lam felloh vang leh rikrum thilah thlawhtheihna aṭanga rang taka in kah chhuah a theih loh niin an tarlang bawk.

Nilainia thlawhtheihna chesual hi a tlak hnuah a kang zui bawk a, Jamnagar khua aṭanga km 12 vela hlaa tla a nih thu police in an sawi. Heng chhiatna thlengah hian thlawhtheihna khalhtu pilot pakhat zawk hi a hliam tuar loin a thi a, pakhat zawk erawh damdawi-in panpuiin enkawl mek a ni. Chetsualna thlen chhan hi chhui chiang turin IAF chuan thupek a ti chhuak tawh a ni.