Parliament Budget Session a zo ta

Parliamnet Budget session chu nimin khan house pahnih, Lok Sabha leh Rajya Sabha-ah tih tawp a ni ta.

Budget session hi January 31 khan neih ṭan a ni a, thawh hniha kalpui a ni. A thawh khatna chuan January31 - February 13 thleng a awh a,a kar lakah hun eng emaw chen chawlh lawk a nih hnuin a thawh hnihna hi March 10 aṭang khan chhunzawm a ni.

Session chhung hian Lok Sabha-ah chuan bill 16 pass a ni a, Rajya Sabha-ah private bill 49 pharh a ni bawk. Bugdet ruahman hrang hrangte pharhin, ministry hrang hrang hnuaia hman tur demand for grant pawh pawm an ni. Hei bakah hian Manipur tana central enkawlna tura budget pawh pawm a ni bawk.

Parliament ah hian Waqf amendment bill chu eptu lam leh rorellai ten nasa taka ngaihdan hrang hrang an sawi khawm hnu ah leh house chhungah te pawh buaina hrang hrang a chhuah hnuah,house pahnihah pawm a ni. Nimina session tih tawp a nih hma lawkin Rajya Sabha-ah chuan West Bengal-a zirtirtu leh non-teaching staff hna 25,700 lak dan felhlel awm chungchanga in auh buaina a thleng leh.

House pahnihah hian budget session chhungin rorelna hun hi darker 159 neih a ni. Ṭum khata rorel ṭhukhawm an neih rei ber chu April 3 kha niin, chawhma dar 11-ah ṭanin a tuk, April 4 zing dar 4:02 ah an zo thei chauh a ni.