India-in AI a private investment tih tam lamah 10-na hauh

United Nation(UN) report-ah India leh China chu ram ṭhangmek zinga khawvel huapa private investment, Artificial Intelligence(AI) huanga investment tih ṭhan nasat berna ram an ni. Ranking siamah India chuan 10-na a hauh pha.

The 2025 Technology and Inovation Report, UN Trade and Development(UNCTAD) in a tih chhuaha 'Readiness for Frontier Technologies' ah India chu kum 2024 khan 36 niin, hemi aṭang hian dinhmun hma zelin 2022 khan 48-naah a awm. India hian ram 170 awm aṭanga tehna siamah, thiamna lama hmasawnna kawngah 36-na a hauh pha a,kum hmasa lam aiin nasa takin hma a sawn a ni.

Zirchiannaah hian India dinhmun hrang hrang tarlan niin, ICT huangah 99-na a ni a, skill huangah 113-na, Research and Development huangah pathumna, leh Industrial capacity-ah 10-na leh Finance huangah 70-na te a hauh pha a ni. China, Germany, India, UK, leh US te chu AI huangah an ṭhang nasa hle bawk. Kum 2033-ah chuan AI market hlut zawng hi USD tld 4.8 kai hman tura ngaih a ni bawk.

AI huanga India nasa taka a ṭhan theihna tur hian cabinet-te chuan nikum 2024 khan 'India AI Mission' chu a lo pawm tawh a ni. Heng hmalakna kaltlang hian AI course te chu zirna hmun ṭhenkhatah zirtirna pek tel ṭhin a ni a, hei hi AI tih hmasawnna turin a tum zing a mi a nih thu report chuan a tarlang.