Delhi High Court-in Wikipedia lakah thupek ti chhuak

Delhi High Court chuan Ningani khan technology platform lian, Wikipedia lakah thupek a ti chhuak. He thupek hi ANI news agency page aṭanga in tih ṭmualhpona lam tarlan awm vang a ni a, court hian Wikipedia chu heng an thil post te chu la thla turin a hriattir nghal bawk.

Wikipedia hi khawvel puma social media platform hmangtu ngah pahnihna niin Twitter tia kan hriat ṭhin X hi a phakloh awm chhun a ni. Nikum lam pawh khan ANI chuan Wikipedia hi lo khing tawhin, sorkar dodal leh ti buai zawnga post awm te la thla tura hriattir a lo ni tawh a ni.

Court thupek tih chhuah chungchangah hian Wiki lam chu an la ngawi a,an puhnate hi a appeal dawn em tih an tarlang lo. Court chuan case chungchangah hian hearing a neih chhunzawm dawn bakah, ANI chuan Rs vbc 2 chawitir bakah ngaihdam dilna an phut bawk.

Nikum October khan court chuan Wikipedia page-a post chu la thla turin a hriattir tawh a, mahse la thla loin court thuthlukna a zawm duh loah chhal a ni bawk. January khan Supreme Court-ah in lan tura tih a ni zui a ni. Hetih laiin X lam pawhin India mi lo neitute, lungawi lohna lantirna lam block tura sorkar thupek chhuah chu khin an tum ve bawk niin an tarlang.