West Bengal zirtirtu ban ten Nabanna-ah nawrh huaihawt tum

Supreme Court-in West Bengal-a sorkar enkawl sikula zitirtu 25,700 chuang ban an nih thu a puan aṭanga ni hnih a liam hnuah, Inrinni liamta khan heng zirtirtu ban takte hian Nabanna-a secretariat-ah April 21 khian lungawi lohna lantira kawng zawh huaihawt an tum thu an puang.

SC thutlukna puan a nih hnu hian, zirtirtu te chu Shahhid Minar ground, Kolkata ah pungkhawmin, mittui nen thutlukna puan chu sut turin an ngen a, court chuan dinhmun khirhkhan takah a dah niin an sawi. Zirtirtute hian 'Nabanna Abhiyan' chu April 21 khian neih an tum thu sawiin, hei hi an hna thlakna tur pe thuai tura ngenna tur a nih thu an sawi bawk.

Chief minister Mamata Banerjee chuan heng zirtirtute chunga thutlukna siam chuan a ṭhawn thu leh, zirtirtute hi puihna pek a tiam. CM-in state secretariat-ah emergency meeting koin," He thutlukna siamtu zah tak chung siin, thutlukna siam chu a tuartu thlirna aṭang thlir chuan pawm thiam a har hle a ni" a ti.

West Bengal school-ah zirtirtu lak chungchanga in bumna thlengah hian education minister hlui Partha Chatterjee chu July 2022 khan man a lo ni tawh. State education department-a official eng emaw zat leh School Service Commission-a mi te chu inbumnaa inhnamhnawih vang hian man an lo ni tawh bawk.