IAF parachute uai zirtirtu chesualin thi

Indian Air Force(IAF) hnuaia Akash Ganga skydiving team-a mi, prachute uai zirtirtu Warrant Officer Ramkumar Tiwari, kum 41 chu 'demo drop' an tih mai enchhinna neihnaah chesualin a hliam tuar loin Inrinni liamta khan Agra-ah a thi niin IAF chuan an tarlang.

Police lam tarlan danin Tiwari hi helicopter aṭanga a zuang thla chu khawl lam fel lo vangin a parachute hi a huntaka a parh thei lo a, leiah a tla tlang niin an sawi. Sipai damdawi-inah hruai a nih hnuin a hliam tuar loin a thi ta a ni.

Assistant Commissioner of Polce Vinayak Bhosale chuan,"Tiwari thih thu hi chhun dar 12 bawrah kan hria a, Sadar Police station chuan a ruang hi postmortem turin an thawn chuak a ni" a ti.

IAF lam hian Tiwari thih thu hi an official X page-ah tarlangin, pawi an tih thu leh a chhungte an tuarpui thu an sawi.