Gujarat-ah AICC meet nei dawn

Congress party chuan vawiin Thawhlehni hian All India Congress Committee(AICC) session chu Ahmedabad, Gujarat-ah an nei dawn. He intawhkhawmnaah hian thupui atan 'Nyaypath: Sankalp, Samarpan and Sangharsh' tih hman a ni ang. Party inrelbawlna tih chak leh tun hmaa an lo hmingṭhat tawhna tih thar leh chu intawhkhawm hian a thil tum ber niin an tarlang.

AICC meet-ah hian thlan chhuah 1,700 leh AICC co-opted member-te an tel dawn a ni. Vawiin hian Congress Working Committee huang zauhna tur sawi hona hun Sardar Vallabhbhai Patel Memorial-ah an nei nghal dawn bawk.

Congress hian kum 1885-a din a nih hnuah Ahmedabad-a intawhkhawm an neih vawithumna niin, Gujarat hi Congress hruaitu hmasa Mahatma Gandhi leh Vallabhbhai Patel te pianna hmun a ni. Congress intawhkhawm hmasa ber chu December 23-26 1902 kha niin Surendranath Banerjee President lai daih tawh kha a ni.

Kumin intawhkhawm an neih hun hi Mahatma Gandhi party din kum 100 tlin kum a nih bakah, Vallabhbhai Patel piancham vawi 150-na chiah a ni bawk.