UNSC-ah Pakistan zualko a tum

Pakistan media-ten surgical strike a awm lo niin sawi mah se, Pakistan chuan India-in a ram chhung a beih chungchang hi United Nations Security Council-ah a thlen a tum.

UN-a Pakistan ambassador Maleeha Lodhi-i chuan UN hotu Ban Ki-moon hmuin India sipaiten LoC kaltlanga an rama firfiakte tawmbuk an beih chungchang hi hrilh a tum. Ningani khan Lodhi hian UNSC president ni lai, New Zealand ambassador Gerard Van Bohemen hmuin a lo sawipui tawh bawk. Lodhi chuan, "Pakistan chuan theihtawpin dawhtheihna a lantir a, mahse India hi dan kalha a chet chhunzawm zel chuan dawh theih loh chin a awm dawn a ni", a ti.