Beisei aia hmaah Rafale Jet nei thei dawn

Defence Minister Manohar Parriakr chuan France ram aṭanga Rafale fighter aircraft lei tura rua≠hman chu, an beisei aia hmaah an nei thei dawn niin a sawi.

Rafale aircraft leina tura India leh France-in inremna an lo siam tawhah chuan a hmasa ber chu thla 36 chhunga India kuta hlan hman tura tih a ni. Mahse Parrikar chuan France hnenah hian a rang thei ang bera hlan thei tura hma la tura an ngen thu sawiin, an hun lo ruat lawk aia hmaah hian an hmuh theih a beisei thu a sawi.

September 23 khan cheng vaibelchhe 59,000 man, Rafale fighter jet 36 leina tur hian India leh France chuan inremna an ziak fel a ni. Rafale hi missile leh weapon system thar ber hmanga thuam a ni.

Parrikar chuan Pakistan occupied Kashmir (PoK) a India sipai tang chu lakchhuah ngei tumin theihtawp an chhuah mek tih a sawi a, hei hi Director General Military Operations (DGMO) level-ah ngaihtuah a ni, a ti. Hemi rual hian ram mipuite chu thil rinhlelhawm deuh an hmuh chuan police-te hriattir nghal vat turin a ngen bawk.

September 29 khan 37RR sipai pakhat chu a ralthuam nen Line of Control leh lam, Pakistan ram chinah a lut a, hei hi Pakistan chuan DGMO a rawn hriattir nghal a ni.