China-in Brahmaputra lui fintu dang chat

China chuan hydropower project hautak tak a thawh mek≠ah, Tibet rama Brahmaputra lui fintu lui luang chu a dang chat.

Tibet-a Xigaze biala dollar maktaduai 740 senga Lalho project a kalpuina atan hian Brahmaputra fintu lui pakhat, Xiabuqu lui chu a khuap a, kum 2014 June thla aṭang khan a thawk ṭan a, kum 2019-a zawh tura ruahman a ni. China hian nikum khan dollar tld. 1 leh vbc. tak 5 senga siam, Zam Hydropower Station chu a lo hawng tawh a, hei pawh hi Brahmaputra fintu lui tui
khuapa siam tho a nih avangin, he tuikhuah chungchangah hian ram pahnih aiawhte an lo indawr tawh bawk.

Brahmaputra lui fintu, Xiaubugu lui tui dan chah hian India ram tui luan luh danah nghawng a nei pawi thei dawn em tih sorkar lam chuan an zirchiang mek. Mahse a lui khuah tur aṭanga tui luang lut hi Brahmaputra lui tui aṭanga 0.15 % vel chauh a nih avangin nghawng a neih tam a rinawm lo nia sawi a ni.

Xiabuqu lui hi km 195-a thui niin, Tibet-a Bainang aṭanga luangin Yalung Zangbo a fin a ni.