Bihar-in zu khapna dan hmang nawn leh

Patna High Court-in Bihar state-a zu khapna dan hman mek chu dan kalh tia a hlihsak hnuah, nimin aṭang khan Bihar sorkar chuan zu khapna dan thar a hmang zui leh nghal.

Zu khapna dan, Bihar Prohibition and Excise Act, 2016 hi a hma aiin a khauh zawk a, an ina zu an man chuan chungkua-a puitling chin zawng chu man theih vek an ni dawn a ni. Tualchhung siam zu bakah, Indian Made Foreign Liquor (IMLF) zawrh, lei leh in khap tlat a ni.

Kar kalta Zirtawpni khan High Court-in zu khapna dan an hman mek chu a hlihsak a, Pathianni khan Chief Minister Nitish Kumar-a kaihhruaiin cabinet meeting neih zui nghal a ni a, cabinet member-te chuan an state-a zu khap chu chhunzawm zel an tiam a ni. Zu khapna dan thar hnuai≠ah hian zu zuar leh in mante hremna na zawk siam a ni a, an tan hun chhung tihsei a nih bakah an sum chawi tur pawh tihpun a ni bawk. He dan thar hi nimin aṭang khan hman ṭan nghal a ni.

Bihar Prohibition and Excise Act, 2016 hi August 5 khan state Legislature-a in hnih chuan a lo pawm tawh a, September 7 khan Governor Ram Nath Kovind remtihpuina pawh neih a ni tawh bawk.