Union minister-ten office kal ṭan
Prime minister Narendra Modi thupek angin, union minister leh senior officer-te chuan nimin aṭang khan office an kal leh ṭan ta.
Narendra Modi chuan coronavirus darh tur venna atana ram chhunga ni 21 chhung atana lockdown puan chungchangah, mipuite himna chu a pawimawh tih a sawi. Hemi rual hian ram economy dinhmun pawh ngaihtuah tel a ngai a ni, a ti.
Modi hian Inrinni khan sorkar official, official motor dawng pha chinte chu hri leng mek mah se nimin aṭang khan an hna thawk chhunzawm turin a ti a ni. Nimina office kal zingah hian information and broadcasting minister Prakash Javadekar, chemicals and fertilisers minister DV Sadananda Gowda, tribal affairs ainister Arjun Munda, minister of animal husbandry, dairying and fisheries Giriraj Singh leh minister of state for youth affairs Kiren Rijiju te pawh an tel a, an staff ṭhenkhat an kal bawk. Minister-te hi an staff 50% te nena hna thawk chhunzawm tura ngen an ni.
Minister leh official bakah an staff ṭhenkhat, nimina an hna zawmte hi office an luh hmain temperature gun hmangin screening lo neihsak zel an ni a, official motor an kente pawh gate b