Vawiin dar 10-ah PM Modi-a'n thuchah sawi dawn
Prime minister Narandra Modi chuan vawiin dar 10 hian ram mipuite hnena thuchah a sawi leh dawn.
Narendra Modi hian ni 21 chhung atana rampuma lockdown puan, vawiina tawp tur chu pawhsei a nih thu a puan rin a ni. Hemi rual hian lockdown pawhsei hi ram economy tibuai lo thei zawnga kalpui a nih theihna tura ruahmanna siam a nih rin a ni.
Kharkhipna awm hma pawhin India ram economy hi kum ruk chhunga a ṭhan muan ber ṭum a ni tawh a, hetihlai ni 21 chhung hna thawk thei loa kharkhipna hnuaia rampum a awm zui leh avangin a nghawng nat hle rin a ni. Lockdown vang hian mi maktaduai tel chu hna thawh tur nei loin an awm lo a, sumdawng tenau leh industry te a nghawng na hle bawk.
Inrinnia chief minister-te meeting a neihpui kha, CM tel zinga a tam zawkin lockdown pawhsei hi an rawt a ni. Hemi rual hian kharkhipna kalpui hian state economy thlenga a nghawng avangin sorar laipui hnenah chhawmdawlna pe turin an ngen hlawm bawk.