SC-in TN Governor chet dan dan kalh tiin puh

Supreme Court chuan Tamil Nadu governor RN RAvi-a'n bill 10 ti khawtlai a, a hreng chu dan kalh a ni, a ti

Tami Nadu state assembly-a pass tawh bill te hi Governor hian a lo hren avangin hun eng emaw chen an lo buai tawh a, hei vang hian state sorkar chu Supreme Court-ah hian a zualko ta a ni, Court chuan House-aw pass tawh bill, Governor hnena thlen chu Governor hian a lo ti khawtlai tur a ni lo, tiin thla khat aṭanga thla thum chhungin bill pawmpuina hi a lo pe tur a ni,a ti. Governor Ravi chet dan chuan state sorkar hna thawh tur pawh a ti bahhlah phah niin a sawi.

Chief minister MK Stalin chuan Supreme Court thutlukna siamchu lawmawm a tih thu sawiin, heng bill a lo tih khawtlaite chu pawmpuina a pek thuai tur thu a sawi. Govenor chet dan chu ram danpui kalh a ni, tiin a sawi zui bawk.He thil Tamil Nadu tan chauh ni lo, state zawng zawnga tana hnehna a nih thu a sawi. Governor-in pawmpui duh loha a lo hrensak bill ṭhenkhat chu House-ah pawh vawi hnih pass tawhte an nih thu a sawi a ni. Party dangte pawhin Court thutlukna chu lawmawm an tih thu an tarlang a, mahse AIADMK leh BJP erawh chuan sawi an nei lo thung.