National party-te sum dawn zingah BJP-in 88% aia tam a dawng

Poll watchdog, Association for Democratic Reforms (ADR) report tih chhuahah, kum 2023=2034 hhuna rnational party hrang hrangten donation aṭanga sum an hmuh belhkhawm chu Rs vbc 2544.278 niin, heng zingah Rs vbc 2,243.947 chu Bharatiya Janata Party (BJP) dawn a ni tih a tarlang.

ADR hian party hran hrangten Election Commission-ah data an thehluh a zirchianna aṭangin report hi a siama ni. Finanial year 2023-24 chhunga national party-te sum dawn hi a kum hma saiin Rs vbc 1693.84 in a tam a, a punna hi 199.17% a tling.

Political party tana sum thawh, Rs 20,000 leh a hnuai lam te hian an hming leh nihna kimchang tarlan a ni lo a, unknown income tihah dah an ni. National party-ten donation an hmuh zawng zawng zinga 60% dawn hi unknown income a ni.

BJ hian donation petu 8,358 aṭangin Rs vbc 2,243.947 hi a dawng a, Congress party in dawtin donation 1994 aṭangin Rs vbc 281.48 a dawng ve bawk. BJP sum dawn hi Congress, Aam Aadmi Party (AAP), National People's Party (NPP) leh CPI (M) te sum dawn belhkhawm aiin let ruk chuangin a la tam zawk.