Russia-in surgical strike a thlawp

Russia chuan India sipaiten Pakistan ram chhunga firfiakte awmhmun bei a, surgical strike an nei chu a thlawp thu a sawi a, Uri army camp beitute chu Paksitan firfiakte an ni, a ti.

India rama Russia ambassador Alexander M Kadakin chuan eng ram pawhin a ram venhimna turin dikna a nei a ni tiin, "Fir≠fiakten India rama sipai hmun leh civil mite an bei hi human rights palzutna lian ber a ni. Hei vang hian surgical strike neih pawh hi kan thlawp a ni" tin a sawi. Russia hi ramdang zingah Indian Army-te'n Pakistan rama surgical strike an neih chungchanga, thlawpna
ṭawngkam sawichhuaktu awm≠chhun a ni.

Kadakin chuan Russia leh Pakistan sipaiten Pakistan ram chhunga joint exercise an neih mek chu India tan ngaimawh a ngai lo a, sipaite hian Jammu and Kashmir-a Pakistan ram luahah nunchan an zir lo tih a sawi.

Hetih lai hian Pakistan lam chuan Indian Army-te'n surgical strike an nei nia sawi chu thu dik lo niin an la sawi reng a, surgical strike a awm lo a, ramri-ah sipaite an inkap zawk a ni, a ti. Pakistan army chuan surgical strike a thleng lo tih tichiang turin, helicopter hmangin Pakistan occupied Kashmir (PoK)-ah journalist-te an hruai a, helai biala nunphung chu ala pangngai reng a ni tih hmuhtir an tum a ni.

Pakistan sipaite chuan nimin khan Jammu and Kashmir-a Rajouri district, Nowhsera sector-a Line of Control (LoC)-a inkahhai puan chu palzut lehin, Indian Army post chu motar shell leh silai hmangin an kap leh. Defence thupuangtu, Lt Col Manish Mehta chuan, Pakistan sipaite hian zing dar 5 vel khan army post pathum an kap niin a sawi a, India sipaiten an kap let ve nghal tih a sawi a, thi leh hliam an awm hriat a ni lo. Pakistan sipaite hian an rama surgical strike neih hnuah, LoC-a inkahhai puan an palzut
ṭum rukna a ni.