India leh Singapore-in inremna pathum ziak

India leh Singapore chuan nimin khan thawhdunna tur inremna thuthlung pathum an ziak.

India rama cham mek, Singapore Prime Minister Lee Hsien Loong leh Prime Minister Narendra Modi-te'n inbiakna an neih hnuah inremna hi ziah a ni. Inremna an ziah zingah hian skill development lama thawhdunna tur a tel a ni.

Ram pahnihten inremna an siamte chu - Singapore Institute of Technical Education (ITE) Education Services (ITEES) leh National Skill Development Corporation-te'n technical, vocational education leh training na kawnga thawhdunna tura MoU an ziah te, Assam sorkar leh ITEES Singapore-in thawhdunna tur an ziah leh, industrial property field-a thawhdunna turte a ni.