Bihar zu khapna dan thar lakah petition thehluh

Bihar state sorkarin Thawhṭanni aṭanga an state chhunga zu khapna dan thar, Bihar Prohibition and Excise Act, 2016 a hman lakah petition thehluh a ni.

Professor hlui, Rai Murari chuan Patna High Court-ah petition a thehlut a, Bihar law leh Nagaland excise law chu a khaikhin a ni. Bihar hian Nagaland law hi eng emaw zat a entawn a ni.

Petition thehluhah hian Bihar law chuan police-te chu warrant nei loa mi man theihna a pe niin a tarlang a, hetihlai hian a entawn ber, Nagaland law-ah chuan police-te hian warrant an neih chauhin mi an man thei niin a tarlang. Patna University professor hlui, Murari chuan, "Bihar zu khapna dan thar hi a hma aiin a khauh a, mahse he dan hian police leh excise department chu midang chunga inluling thei turin thuneihna a pe a ni", a ti.

Hetih lai hian Bihar sorkar pawh kar kalta Zirtawpnia Patna High Court-in an state-a zu khapna dan hman a hlihsak chungchangah Supreme Court-ah a zualko bawk.