Cabinet-in 'The HIV and AIDS Bill' a pawm

Union cabinet chuan HIV leh AIDS natna veite venhimna tura 'The HIV and AIDS Bill, 2014' siamṭhat chu a pawm.

He dan siamṭhat hnuaiah hian, HIV positive leh AIDS veite an chenpuiten thliarhran leh enhran chu khap tlat a ni. Heng zingah hian hnathawhna leh zirna hmuna enhran te, health care service, inluah tir, public leh private office chuh tura din te, insuranc chungchang a huam tel vek dawn a ni.

Hnathawk tura rawih dawn te, health car leh zirna lamahte HIV test kher tura tih pawh khap a ni thu cabinet meeting zawh hnua thuchhuah siam chuan a tarlang. HIV veite chuan a vei a ni tih an duhthu a nih loh chuan sawichhuah kher tir tur a ni lo a, HIV positive te record vawngtu pawhin data protection measure an hmang tur a ni.