Bihar-ah Maoist commander-a in chhal kap hlum

Bihar-a Banka District-ah Nilaini khan police-te Moaist commander nia in chhal, kum 35 mi Ramesh Tudu chu helpawl nena inkahna thlengah an kap hlum. Ramesh Tumu hi a lu manah Rs nuai 1 chhiar a ni.

Police-te chuan thu an dawn bawhzuiin, Kalothar ram ngawha hel ho dap chhuah hna an thawk tih an sawi. Police-te che tla hi Tudu leh a ṭhuihruaitn lo hmmuin an lo kap a, police lam hian chhang let ve nghalin an in kap zui ta a ni. Inkahna thlen hnu hian Tudu hi sorkar damdawi-in lam panpui niin, hetah hian a thih thu hi tih chian a ni zui ta a ni.

Tudu hi pawikhawihna hrang hrangah thubuai 11 nei lai a nia, heng thubuaite hi Deoghar leh Gasidih ditrict-a Naxal hel pawikhawihna thlente nena inkungkaihna nei niin police-te chuan an sawi. Bihar leh Jharkhand-ah a che tla ber ṭhin. Banka police SP Upendra Nath Verma chuan hel ho dap chhuah hna hi an thawk chhunzawm zel dawn tih a sawi bawk.