Ei tur pack chi-ah safety norm hmang turin sorkar hriattir

Supreme Court chuan Nilaini khan sorkar laipui hnenah ei tur pack chi, packaged food himna tura kaihhruaina siam, safety norm chu thla thum chhunga hmang turin a hriattir.

He kaihhruaina siamah hian packaged food hi a kawr/bawmah information pawimawhte tarlang vek tura tih an ni. Justice JB Pardiwala leh R Mahadevan awmna bench chuan, "Kurkure leh Maggi ahte eng nge an telh tihte in hre thei tawh dawn a ni. Heng packet-ah hian information engmah a awm lo," a ti.

Food Safety and Standards Authority of India in affidavit a thehluhah, sorkar laipoi chuan Food Safety and Standards (Labelling andDisplay) Regulations, 2020 chungchangah comment 14,000 chuang a dawng a, hei vang hian he dan siamṭhat a tum tih a sawi. Hemi hnu hian sorkar chuan hei sorkar laipui chu thla thum hun pein, PIL te hi a ti tawp ta bawk. PIL-ah hian sorkar laipui leh state sorkar sorkarte chu food package hma lamah warning label dah tir ngei turin an phut a ni.

Kum 2014 khan FSSAI chuan food item hrang hrangah hian nutritional information kimchang; sugar, salt leh saturated fat awm zatte chu bold letter-a dah tura rawtna a lo pawm tawh bawk.