Congress-in OBC wing hruaitu thar ruat

All India Congress Committee(AICC), Ahmedabad-a an neih zawh hnuah Congress party chuan Ningani khan an party chhunga Other Backward Classes(OBC) huanga hruaitu tur an ruat thar.

AICC neih zawh takah khan party hmasawnna tur leh tun hmaa an lo hmingṭhat tawhnate ti lang thar leh thei tur atana in tuai tharna turte an ruahman a ni. Meeting-ah hian OBC huang hruaitu thar atan DR Anil Jaihind(Yadav) chu AICC-a OBC wing chairman ah ruat tharin, Capt Ajay Yadav a thlak niin GS KC Venugopal chuan thuchhuahah a tarlang.

Jaihind hi vantlang hmasawnna tur atana thawk ṭhin niin tun hnaiah khan Congress party a zawm a ni. Hetih laiin Capt Ajay erawh Haryana aṭanga party mi hlun a ni thung.

Nikum October thlaa Haryana Assembly inthlan neihah Congress an chak loh vang khan Capt. Ajay hian state chhunga party hruaitute chu ualau takin a sawisel a,a sawisel zingah hian chief minister hlui Bhupinder Singh Hooda pawh a tel.

Ahmedabad-a AICC session neih zawh takah khan party chuan vantlang in tluktlanna chawisan chu an in pumpekna tur thar niin an tarlang. Party hruaitu siksawina thlengah, AICC secretary aṭangin Alok Sharma chu thlak niin party lam chuan a chhan leh vang an tarlang lo thung. Mahse, Sharma hian media panellist a nih chhunzawm dawn a ni.