UNESCO heritage site-ah Kanger Valley National Park

Chhattisgarh tourism chuan bung thar kaiin, state chhunga Kanger Valley National park chu UNESCO heritage site-ah puan a ni dawn.

Kanger Valley hi kum 2023 December thla khan Chhattisgarh sorkar leh Archaeological Survey of India chuan a mawina danglam tak neih avang hian khawvel huapa pho lan turin an hual lawk tawh a ni. UNESCO heritage site a puan a nih theihna tur hian thuk zawk leh kim zawka zirchianna neih niin hemi hnu hian rawtna chu thlen a ni zui a, heritage site-a puan tur list siamah a tel ta a ni.

Park huam chhungah hian hmun mawi tak tak leh nuam tak tak awmin, nungcha chi hrang tam takin chenna atan an hmang a ni. Sava chi hrang 200 awmin hnim chi hrang 900 lai a awm bakah phephehlep chi hrang 140 hmuh tur an awm bawk. Park huam chhungah hian puk danglam tak tak 15 bakah chinailung puk/ limestone cave 15 lai a awm bawk.