MP-a sanctuary thar ber Ambedkar hming chawiin

BJP rorelna Madhya Pradesh sorkar chuan, kan hmaa Dr Br Ambedkar piancham vawi 134-na pualin state chhunga sanctuary 25-na chu Ambedkar hming chawiin sanctuary hming atan 'Dr Bhimrao Ambedkar Wildlife Sanctuary'-tih an vuah. He hmalakna hi Ambedkar zahna leh hriatrengna lan tirna atana tih a nih thu an tarlang. DR BR Ambedkar hi April 14, 1891 khan MP-a Mhow town tih ṭhin tun hnua Indore district-ah a lo piang a ni.

Ambedkar hi 'Father of the Indian Constitution' tih hial khawpa India tana thawh hlawk niin, a hming chawia sanctuary hming vuah pawh a phu hle niin sorkar hruaitu te chuan an tarlang bawk. He sancturay thar hi vawiin Thawhṭanni hian MP chief minister Dr Mohan Yadav chuan van tlang hmaah Ambedkar Jayanti pual hian a puangzar ang.

State forest department chuan Zirtawpni liamtaa hriattirna an tih chhuahah, 'Dr Bhimrao Ambedkar Wildlife Sanctuary' Bundelkhand huam chhung North Sagar ramngaw huam chhunga awm niin square km 258.64 a zau niin, nung cha ṭhahnem tak chenna hmun niin an tarlang.