Ramdang mi 15 thawn haw turin ti

Delhi police ten ramdang mi, an visa in a huamchin aia rei India rama cheng mi 15 an man hnuah, heng mite hi an lo kalna rama thawn haw turin an ti niin official chuan nimin Thawhṭanni khan a tarlang. An thawn haw tur zingah hian Bangladesh mi pahnih an tel.

Dan loa India a awm thawn kir turte hi Bangladesh mi pahnih bakah Nigeria mi 12 leh Ivory Coast mi pakhat niin, Mohan Garden leh Uttam Nagar biala beihpui thlakna neiha man chhuahte an ni hlawm. US president Donald Trump-a sorkar in an rama rampawn mi awm a thawn haw ṭhin hnu hian ramdang pawhin khauh leh zual zawkin rampawn mi lakah khuahkhirna an ken kawh nasat phah hle a ni.

Police lam chuan heng rampawn mi India-a dan loa chamte hi vawi eng emaw zat chu in hrenna hmunah dah lailawk tawh ṭhin an ni. Hun eng emaw cheng hren an nih hnuah Foreigners Regional Registration Office (FRRO) chuan thawn haw tura thu a pek hnuah thawn haw an ni zui dawn ta a ni.