Indian Coast Guard leh Gujarat ATS in ruihhlo Rs vbc 1,800 hu man

Indian Coast Guard (ICG) leh Gujarat Anti-Terrorist Squad(ATS) thawk dun chuan April 12-13 khan ruihhlo, methamphetamine kg 300 a rit, Rs vbc 1,800 hu an man niin an tarlang. Heng ruihhlo man a nih thu hi ICG lam chuan nimin Thawhṭanni khan an tarlang.

ICG chuan ruihhlo man dan chungchang hi tarlangin, Gujarat ATS te hriattirna bawhzuiin ICG lawng hmangin Coast Guard huamchhungah Internatinal Maritime Border Line(IMBL) bawr velah nangchinin, lawng an in thlak hmaa man an nih thu an sawi. Heng ruihhlo phurtute hian ICG lawng an hmuh chuan an thil phurh te chu tuipuiah paihin an tlan chhiatsan leh niin an tarlang bawk.

Ruihhlo neitua ngaihte hi ICG lam chuan ngawrh takin zawn beihpui thlak chhunzawm nghal mah se, zan lam hun a lo nih tawh bawk avangin a neitu ni loin an ruihhlo paih zawk hi an zawng khawm zui ta zawk niin an tarlang.

Heng ruihhlo mante hi Porbandar lamah ICG hian an pan pui hnuah zau zawka zawn chhuah beihpui thlak leh tum a ni. ICG leh Gujarat ATS te hi ṭum 13 hlawhtling an lo thawk dun tawh a ni.