CBI-in 'Digital Arrests' a bultum tu ber 4 man

Central Bureau of Investigation (CBI) chuan 'Operation Chakra-V' kalpuia hmun 12-a beihpui an thlaknaah 'Digital Arrest' thubuai hrang hranga bultumtu mi pali an man. Mumbai leh Moradabad, Uttar Pradesh aṭangin pahnih ve ve man an ni tih an tarlang.

CBI lam hian 'Digital Arrest' lam thubuai an lak hnu hian rinhlelhte nihna leh an mimal chanchin chhuchianna chipchiar zawka neiin, dik lo taka thil ti tute hi hriat chhuah theih an ni ta a ni. Agency hmalakna hlawhtlin theihna tur hian hmun 12, Moradabad leh Sambhal UP ah leh Mumbai, Jaipur, leh Krishnanagar West Bengal-ah te beihpui hi an thlak niin agency chuan an sawi.

Digital Arrest thubuaia mante hi inbumna hrang hrang, social media leh cyber crime hrang hrang thlen a bul tumtu te niin, an mi bumna hmang hian pawisa leh mimal nihna pawimawh hrang hrang te chhuhsak ṭhin a ni. An mi rinhlelhte hi thla thum chhung enthlak niin hemi chhung hian ṭum 42 mi buma an pawisate an chhuh sak chu Rs vbc 7.67 a tling hman a ni.

Dapchhuah hna thawhna aṭang hian pawikhawihna atana hamn ṭangkai ṭhin hrang hrang man belh niin, heng an thil man zingah hian bank account, debit card, cheque book, deposit slip, leh digital device te chu mi mante hi court a an in lan hmaa police kuta ni nga chhung an awm laiin laksak a nih thu agency chuan a sawi bawk.