Kum 10 chhungin RTI application vbc 1.75 thehlut

Kum 2005, October thlaa Right to Information (RTI) Act hman a nih aṭanga kum 2015 thleng khan RTI hmanga zawhna vaibelchhe 1.75 a lut a, heng zinga hmun li-a
ṭhena hmun khat chu sor≠kar laipuiah thehluh a ni.

Commonwealth Human Rights Initiative (CHRI) in zirchianna a neihah, RTI application thehluh zinga 27.22% chu sorkar laipui hnuaia ministry leh department hrang hrang chungchanga zawhna a ni.

State malah kum 10 chhunga RTI application thehluh tamna ber chu Maharashtra niin, nuai 46.26 a thehlut a ni. Karnataka-in dawtin nuai 20.7 zawhna a thehlut ve bawk. Maharashtra leh Karnataka-in RTI application an thehluh zat hi, kum sawm chhunga ram puma RTI application thehluh aṭanga 65.43% a tling a ni.