Surgical Strike neihah Pakistan sipai panga thi

Pakistan media-te'n an rama Indian army-te'n surgical strike an neih chu pha mah se, Pakis≠tan police official pakhat chuan India sipaiten surgical strike an neih ngei thu a sawi.

Pakistan occupied Kashmir (PoK)-a Mirpu Range SP (special branch) Ghulam Akbar chuan September 29 zing dar 2-4 inkar velah khan Indian army-te chuan Pakistan ram chinah surgical strike an nei ngei tih a sawi. Pakistan sipaite chuan an lo inrin lawk loh thu leh, sipai panga bakah firfiak eng emaw zat an thi tih a sawi nia tarlan a ni.

PoK-a chengte chuan an awmna bial chu Pakistan-in firfiakte tawmhimna hmun atana a hman thu an sawi. PoK-a Muzaffarabad, Kotli, Chinari, Mirpur, Gilgit, Diamer leh Neelum Valley-a chengte chuan an chenna biala firfiak training camp awmte chuan an nun a tiralṭi hle tih sawiin, lungawi lohna an lantir. Firfiak camp leh danpawna hlawl pawl hrang hrang awmte chu thuneitu lam chuan an ei tur leh mamawh dangte an pe ṭhin niin an sawi bawk.

Union Home Minister Rajnath Singh chuan vawiin hian Jaisalmer a tlawh dawn a, Pakis≠tan ramri-a BSF outpost-pawh a tlawh nghal dawn bawk a ni. Pakistan ramri state - Rajasthan, Gujarat, Punjab leh Jammu and Kashmir chief minister leh home minister-te chu vawinah meeting a neihpui dawn a, ramria venhimna kalpui dante an sawiho ang.