SC-in Patna High Cour thupek a dang

Patna High Court-in Bihar sorkarin zu khapna dan a hman mek dan kalh tia a hnawlna chu Supreme Court chuan a dan sak.

Bihar sorkar chu Patna High Court-in an state-a zu khapna dan hman mek a hnawlsak avangin Supreme Court-ah a zualko a, nimin kha ngaihtuah niin High Court thupek hi a dansak ta a ni. Kar riat hnuah ngaihtuah nawn leh a ni ang.

State sorkarin kumin April thla
aṭanga an state puma zu khapna dan a hman chu September 30 khan Patna High Court chuan dan kalh tiin a hnawlsak a, mahse hnawlsak a nih aṭanga a ni hnihna lekah Bihar sorkar chuan zu khapna dan khauh zawk siamin a hmang zui leh nghal a ni.

April 1 aṭang khan Nitish Kumar-a kaihhruai sorkar chuan Bihar-ah zu zawrh, siam, lei leh in a khap a, a tirah chuan tualchhung siam zu chauh huam tir a ni a, a hnuah ramdang siam zu pawh huam tir vek a ni.