Smriti degree chungchangah court-in EC record dil
New Delhi-a city court chuan Delhi State Election Commission hnenah Union Minister Smriti Irani-i educational qualification chungchanga a record neih chu thehlut turin a hriattir.
Smriti Irani-i hi kum 2004 Lok Shaba inthlanpui neih dawna affidavit a thehluhah a educational qualification dik lo a tarlang nia sawiin freelance writer Ahmer Khan chuan complaint a thehlut.
Court-a complaint ngaihtuahnaah poll panel official chuan Irani-i'n document a thehluh chu hmuh theih a ni tawh lo niin a sawi a, mahse election commission website-a information chu hmuh tur a la awm thu a sawi. Hemi hnu hian court chuan EC hnenah hian a record neihte chu thehlut turin a hriattir ta a ni.
Complaint thehluttu Khan chuan Irani hian hre reng chungin a qualification chungchangah thu dik tawk lo a thehlut niin a sawi. Candidate, dik lo taka information thehluttu hi IPC leh Representation of the People Act (RPA) section 125A hnuaiah hrem theih a ni a, sum chawi tir bakah thla ruk thleng lungin tantir theih a ni.