Maoist hruaitu lu ber bihrukna leiverh luh chhuah

Security force-te hmalakna hlawhtling tak vangin Thawhlehni khan Maoist hruaitu lu, Misir Besra tawmna leiverh 11 chu tih chhiat a ni. Heng leiverhte hi Maoist hruaitu hrang hrangte ruahmanna siamna hmun atana an hman rin a nih thu an tarlang, Leiverh bakah hian Improvised Explosive Devices (IEDs) pasarih sut a ni bawk. Misir Besra hi Rs vbc 1 luman nei lai a ni.

Police lam tarlan danin heng leiverh te hi uluk taka duan niin, Besra leh a ṭhuihruai ten zalen taka an hman theih tura ruahman a ni. Leiverh hi 25x35 feet, 20x25 feet leh 15x20 feet a zau niin, Maoist thil hman hlui printer, battery pahnih, cartridges, lathe machine, pipe 18, wire meter 15 leh nitin mamawh turte hmuh chhuah a ni.

April 5 khan Maoist te hman leiverh 16 tih chhiat tawh ni tawh bawkin, kar hmasa Ningani pawh khan leiverh tih chhiat an nei nual bawk.