UNESCO Memory of the World Register-ah Bhagavad Gita leh Natyashastra

Bhagavat Gita leh Bharat Muni Natyashstra chu UNESCO hnuaia Memory of the World Register huanga documentary thar 74 dah thar zingah telh belh an ni. April 17 Ningani khan telh an ni a,ti hian thuziak hlui hrang hrang 570 chuang UNESCO Memory of the World Register-ah hian a awm tling tawh a ni.

UNESCO tarlan danin ram hrang hrang 72 leh khawvel pum huap pawl hrang hrang pali te chu register-ah hian telh an ni. Heng India thil hlui thuziak register a dah belh a nih chungchang hi PM Modi chuan X-ah tarlangin,"Khawvel hmun hrang hranga India mi te tan chuan thil lawmawm tak a ni" tiin India thil hlui khawvel hriata tarlan a ni chu a lawm thu a sawi.

Union culture minister Gajendra Singh Shekhawat chuan X-ah tarlang vein,"Hun rei tak aṭanga dah ṭhat tawh hi thu leh hla huanga thil hlu tak niin, finna ril zawk leh in nghahna ropui tak niin India-in khawvel a thlir dan leh kan suangtuah dan, ngaihtuah dan, nundan tarlang theitu a ni. Tun dinhmunah international register huangah kan ram chuan thuziak hlui 14 lai a nei tawh a ni" a ti.