Army Chief-in Ladakh tlawh

Indian Army chief General MM Naravane chuan Nilaini khan Ladakh a tlawh a, ramria India leh China sipaite inep mekna karah India sipaite inbuatsaih dante a enpui. 

Gen Naravane hian Ladakh-a ram pahnihte inrina, Line of Actual Control (LAC) dinhmun te a thlithlai bakah, forward area-te a tlawh kual bawk. Forward area-a sipai awmte kawmin, theihtawp chhuaha thawk zel turin a fuih. Krismas lawma pualin sweets leh cake-te a sem nghal bawk a ni. 

Easter Ladakh-ah hian India sipai 50,000 dawn dah an ni a, China pawhin ramriah hian hetiang zat hi sipai a dah  bawk nia sawi a ni. 

Ladakh-a ramria China leh India sipaite inkara buaina a chhuah hnuah, ramri chungchanga buaina chinfel dan ngaihtuahin ram pahnih aiawhte hi ṭum eng emaw zat an inbe tawh a, mahse inremna mumal tak an la siam thei lo