NCW team-in Murshidabad-a pawikhawihna tuarte tlawh

National Commission for Women (NCW) chairman Vijaya Rahatkar chuan Inrinni liam ta khan Murshidabad district, West Bengal-a pawikhawihna thlenga kut tuarte a tlawh. Hemi rual hian sorkar laipui chuan chhawmdawlna leh puihna bakah hmalam hun atan venhimna an pek tur thu a tiam nghal bawk.

Pawikhawihna thlenga kut tuartu hmeichhiate hian district huam chhungah BSF camp nghet siam leh in tualvuakna chhuah chhan chu NIA te'n chhuisak turin an lo ngen nghal. Pawikhawihna chhuak vang hi mi pathum in nunna an chan a ni.

NCW chief chuan kut tuarte hnenah sorkar chu an lamah a ṭang tlat tih sawiin, hlauh tur a awm loh thu a hrilh.NCW ten report kimchang sorkar laipuiah an thehluh tur thu a sawi lang bawkk.

Mkrshibadab-a intualvuakna hi April 11-12 khan thlengin, Muslim tamna huam chhunga chhuak a nih bakah sorkar laipuiin Waqf Act a pawm duh lohna lantir laia thleng a ni. Mi pathumin nunna chanin mi za chuangin buaina chhuak vang hian chenna hmun nei loin an awm phah bawk a ni.