Jharkhand-ah helpawl lakah beihpui thlak Chhattisgarh-a IED puak vangin CAF thi

Jharkhand-a Bokaro distric-ah nimin Thawhṭanni khan CRFP-a Commando Battalion for Resolute Action (CoBRA) leh Jharkhand police te ṭangkawpin beihpui an thlaknaah CPI (Maoist) central committee member pariat kahhlum an ni.Nimin vek khan Bijapur district, Chhattisgarh-ah Naxal helte improvised explosive device (IED) kam puak vangin Chhattisgarh Armed Force (CAF) pakhat a thi bawk.

Police leh helpawlte hi nimin zing kar aṭang khan an in kap ṭan niin police chuan an tarlang. Helpawl mi an kah hlum bakah hian ralthuam ṭhahnem tak an man tel bawk. Jharkhand-a helpawl beihna thlenga thi mi pariatte ruang hi hmuh nghal niin an zingah hian senior Maoist leader Arvind Yadav, Saheb Ram Manjhi leh, Vivek telin an pathum hian luman nei vek an ni. Jharkhand-a luman nei thah a nih vawi khatna a ni.

Chhattisgarh-a helpawl te bomb siam chawp improvised explosive device (IED) puak avanga police thi hi Toynar leh Farsegar khaw inkar kawng siam hna thawktu vengtu zinga mi a ni. Hel ho hian IED hi kawngpui dungah an lo kam a ni.