PM-in Saudi Arabia a pan

Prime minister Narendra Modi chuan nimin Thawhlehni khan ni hnih cham turin Jeddah, Saudi Arabia lam a pan. Modi hian lal fapa Mohammed bin Salman sawmna ti hlawh tlingin Saudi ah hian a zin a ni. Kum 40 hnua India PM-in Jeddah a tlawh vawi khatna tur a ni.

PM hian a cham chhungin ram pahnihte thawh dunna tur MoU paruk an ziak nghal dawn nia sawi a ni. Modi chuan ram pahnihten hlawkna an tel ve ve theihna tur leh thawhdunna nghet tak nei turin venhimna lam, sumdawnna, investment, leh energy huang bakah mipui leh mipui inkar tih hmasawnna tura thawh dunna turte an sawi dawn tih a tarlang. A zinna hian ram pahnih tan thil ṭha a thlen ngei tur thu a sawi lang bawk.

Modi hian Hajj quota chungchang pawh Saudi lal fapa nen hian an sawi dun dawn bawk a ni. Lal fapa nen hian Strategic Partnership Council, meeting vawihnihna chu an kaihruai dun dawn bawk a ni. Hei bakah a cham chhungin India mi factory-a hna thawkte a tlawh bawk ang.