India aiawhin Pope vuinaah President tel dawn

President Droupadi Murmu chuan vawiina Pope Francis vuinaah India sorkar leh mipui aiawha tel turin Vatican lam a pan. President hian Pope vuina hun a hmanpui tur thu hi External Affairs Ministry-in Ningani kha an puang. Pope Francis hi vawiin April 26 hian St Peter's Square, Vatican-ah vui a ni ang.

President Murmu hi union minister pahnih, Kiren Rijiju leh George Kurian bakah Goa deputy speaker Joshua Peter De Souza-ten an zui a ni.

Ram hrang hrang aṭangin ram aiawhte chu Pope Francis vuina inkhawmah hian an tel dawn. A tel tur zingah hian US president Donald Trump, UK Prince William, France President Emmanuel Macron, Spain lal Felipe VI leh Queen Letizia, bakah Brazil President Luiz Inacio Lula da Silva-te chu hming langsar zualte an ni.