Loneitute hnenah PM-in pawisa pechhuak

Prime Minister Narendra Modi chuan nimin khan loneitu vaibelchhe kuate tan Pradhan Mantri Kisan Samman Nidhi(PM-KISAN) programme kaltlangin, cheng vbc 18,000 a pe chhuak. 

Video conference kaltlangin PM Modi chuan loneitute hnena pawisa pekchhuah a nih thu a sawi a, sorkar laipuiin farm law a siam thar chu mi ṭhenkhat chuan loneitute rahbehna tur a ni tiin dawt thu an thehdarh a ni, a ti.

Farm law tharah hian contract farming hman a nih dawn avanga loneitute ram laksak tum a ni tia sawi chu dawt a nih thu pawh PM Modi chuan a sawi. Modi chuan video conference kaltlang hian state paruk atanga loneitu aiawhte a kawm nghal bawk a ni.

Farm law pathum duh loh vanga Delhi ramri leh a chhehvela nawrh huaihawt mekte nena inbiakna neih leh tum a nih thu PM chuan sawiin, hemi atan hian sorkar pawh a inhawn thu a sawi a, loneitute ṭhatna turin sorkar chuan hma a la zel dawn niin a sawi bawk.