Indian Navy-in ralthuam enchhinna nei

India Naval warship chuan anti-ship firing enchhinna chu hlawhtling takin nimin Pathianni khan an nei. Hmun hla tak kap thei turin ralthuam a in peih ṭha tawk em tih enchhinna an nih thu official chuan an tarlang.

J&K-a firfiak chetna thleng vangin India lam chuan thil chhe ber pawh thleng palh thei atana an in buatsaih zel a, Navy lam ten engtik lai pawha indo an peih reng thu leh hmalam huna ram venghim tura an in peih reng thu an tarlang a ni.

India-in ralthuam hrang hrangte a enchhin mek lai karin, Pakistan lam pawhin Arabian tuipui huam chhungah inkah phalna hriattirna an lo ti chhuak ve nghal bawk.

India leh Pakistan in nghirnghona lo chhuah ṭanna Pahalgam-a firfiak pawl chetna kha Article 370 hlih a nih hnua J&K a firfiak pawl pawikhawihna thleng rapthlak ber a la ni bawk.