J&K-ah political party thar din a ni

Jammu and Kashmir-ah dan pawn hnawl, Jamaat-e-Islami(JeI) member-te chuan Pathianni liamta khan political party thar an din thu an tarlang. Party thar din hi Justice Development Front(JDF) tih hming vuah niin, din anih aṭanga inthlan chuh theih apiang chuh an tum thu an tarlang nghal bawk.

Party thar din tute pawl hmasa Jamaat-e-Islami (JeI) hi kum 2019 khan Union Home Ministry chuan "dan kalha pawl din" tiin Unlawful Activities Prevention Act (UAPA) tlawh chhanin kum nga chhung dan pawnah a hnawl. Kum 2024 February khan dan pawna hnawlna hi 2029 thleng a pawhsei sak leh a ni.

JDF tlangzarhna hi Nowgan hmun a an office-ah neih niin Shameem Ahmad Thokar chu party president atana ruat a ni. Abdul Rehman Shalla, 2024 assembly inthlana Baramulla biala chuhtu chu vice-chairman atan ruat a ni a,Sayar Reshi chuan general secretary nihna chelhin kum 2024 assembly inthlanah khan Kulgam constituency aṭangin a lo chuh ve tawh bawk.