India AI data centre park hmasa ber tur lungphum phum

Chhattisgarh chief minister Vishnu Deo Sai chuan Inrinni liam ta khan India rama artificial intelligence (AI) based Data Centre Park, Nava Raipur-a sakna tur lungphum a phum. He data centre park sakna tur hian ram acres 14 a zau ruahman a ni.

Data Centre sak thar tur hi environment venhimna lam hawia duan niin, green and energy-efficient technology zulzui a duan a nih thu official lam chuan an tarlang. He centre hi RackBank Datacenters Private limited in an enkawl tur niin, hectare 2.7 a zau chu Special Economic Zone(SEZ) atana ruahman a ni.

Project thawh tur hian hnathawktu, direct-a thawk 5,000 leh indirect-a thawk 1,500 vel tan hna a siam thei dawn niin an tarlang a, tualchhung ṭhalaite tan hamṭhatna a keng tel thei dawn bawk niin an sawi. Data Centre Park-ah hian ramchhung leh rampawn a data traffic-te enkawl a nih bakah sorkar hnathawh pawh nasa takin a ti chak thei dawn niin an an tarlang.