Karnataka-ah Scheduled Castes census nei dawn

Karnataka chief minister Siddaramaiah chuan nimin Thawhṭanni khan state sorkarin Scheduled Castes(SC) census an huaihawt thu a puang. SC census hi May 5 aṭanga 17 thleng awh tura tih a ni. State sorkar hian member pakhat awmna commission dinin High Court judge chawlta Nagamohan Das chu kaihruai tur atan a ruat bawk.

CM hian thuthar lakhawm tute a kawmnaah hnam bil chhiarpui neih a nih thu hi a sawi. Karnataka-ah hian Schedule Castes hnuaiah hnam 101 an awm a, heng zingah hian sub-group Lamani, Korama leh Koracha an tihte data kimchang pawh lakkhawm theih a ni dawn a ni.

Das chuan August 1, 2024-a supreme court ruling neih chungchang sawifiahin, court ruling hnu hian state te chu mahni huam chhunga SC te tan a reservation siamsak chu a lo phalsak tawh niin a sawi. He mi behchhan hian state chuan SC chungchang data thar leh fiah felfai zawk an neih theih phah dawn a ni.

Hei bakah hian May 19 leh 20 chhung hian special camp chu in lama survey neihte nang lo tan hian a buatsaih dawn bawk. Mipuite chuan online kaltlangin May 23 thleng an nihna an sawifiah thei dawn bawk niin an tarlang.