2017 May thlaah khaw tinah electric eng pe dawn

Union Minister of State (Independent Charge) for Power, Coal, New & Renewable Energy and Mines Piyus Goyal-a chuan ramchhunga thingtlang khua zawng zawng chu kum 2017, May thlaah electric eng pek vek an ni dawn tih a sawi.

Conference of Ministers for Power, New & Renewable Energy & Mines of States & Union Territories a hmanpuinaah he thu hi sawiin, minister chuan chhungkaw tinin electric eng an hmuh theihna turin state-te hnenah soft loan pek a ni dawn tih a sawi bawk.

ìThingtlang khaw hrang hrangten electric eng an hmuh theihna tura hmalakna chu, tun hnaiah ruahsur nasa avangin duh angin kal chakpui theih a ni lo. Mahse state sorkarte nen kan sawiho hnuin, chak zawka hma lak chhoh leh a ni dawn a, kum 2017 May thlaah electric eng hi khaw tinah pek hman tum a ni. Hei hi sorkarin a hun tiam, 2018 May thla aiin kum khatin a hma zawk dawn a niî a ti.