Delhi IGI-ah radioactive a pût
Delhi-a Indira Gandhi International airport-a cargo terminal-ah nimin khan radioactive a put a, cargo complex chu venthawn thilah khar nghal a ni.
Radioactive a put nia hriat a nih veleh hian National Disaster Management Authority team leh kangṭhelhtu pawlte tirh luh nghal an ni.
Delhi Fire Services chuan nimin zing dar 10.40 vel khan IGI-T3 thuneitute hnena aṭangin complaint an dawng tih an sawi a, thlawhtheihnaa bungraw ṭhenkhat aṭangin Molybdenum-99 a put niin an sawi. Enfiah a nih hnuin he thil put hi radioactive element chiah a ni lo a, mahse element hi chu a awm ve thei a, damdawi siamna atana hman a ni. Mahse enfiah a nih hnuah thil engkim chinfel a ni tawh a, airport-a service pawh dan pangngai anga kalpui leh nghal a ni.