Telangana CM-in Rs bch 3.65 man lallukhum hlan

Telangana Chief Minister K Chandrasekhar Rao chuan Pathianni khan Warangal temple-a an pathiannu Bhadrakali tan rangkachaka siam lallukhum, cheng vaibelchhe 3.65 man a hlan. A lallukhawm hlan hi kg 11.700-a rit a ni.

Telangana cabinet chuan kar kalta Zirtawpni khan CM-in lallukhum hlan a tum hi a lo remtih sak tawh a ni.

Warangal temple-a lallukhum hlan tak siamna atan hian state sorkar hnuaia Endowment Deparment-a temple chei-
ṭhatna tur puala siam, CommonGood Fund sum an hmang nia sawi a ni. Eptute chuan dik lo taka sorkar sum hmangah CM chu an puh a, pathiannu thilpek a hlan duh a nih chuan a mimal sum hmang zawk turin an phut.

Hetih lai hian Telangana CM advisor, KV Ramana Chary chuan pathiannu hnena thilpek hlan chungchang hi CM-in a mimala a tihtluk ni loin, cabinet meeting a rel a ni, a ti.