J&K-a grenade puakah mi pariat in hliam tuar

Jammu and Kashmir-a Shopian district-ah nimin khan firfiakten paramilitary patrol party chu grenade hmangin an bei a, mi pakua in hliam an tuar. Hliam tuar zinga pasarih chu civil mi an ni. Firfiakte hi an tlanbo hman a ni.

Police-te chuan firfiakte hian Shopian-a Singulu Chowk-ah CRPF te patrol lai chu grenade hian vawm an ni tih a sawi a, mahse firfiakte hian an tum tak an fuh lo a, hei vang hian civil mi hliam tuar an tam phah niin an sawi.

Hetihlai hian security force-te chuan Pampore biala Srinagar-Jammu National Highway bula sorkar building chhunga firfiakte tawmte chu luhchhuah tumin an la bei mek. Thawhṭanni zing khan firfiakte chuan Entrepreneurship Development Institute hi beiin building chhungah a lut a ni. He building hi kumin February thla khan beih a lo ni tawh bawk a, sipai panga leh civil mi pakhat an thi a ni.