Ramchhung Lawrkhawm

RSS-in an kekawr bul an thlak ta

Rashtriya Swayamsevak Sangh (RSS) chuan nimin khan an pawl din champha an lawm a, hemi rual hian kum 90 zet an pawl uniform atana an lo hman tawh, khaki kekawr bul chu kekawr tlawnin an thlak ta.

RSS hian an volunteeer-te mawza rawng pawh khaki aṭangin rawng uk-a thlak an remti bawk a, kekawr tlawn uk, kawr var leh lukhum dum te an hmang tawh dawn a ni. Hetih lai hian mau tiang an ken tel chu uniform-ah hian telh chhunzawm a la ni zel ang.

Modi-an inthliarna titawp turin ngen

Prime Minister Narendra Modi chuan nimina International Day of the Girl pualin hmeichhe naupangte fakna thu chu a twitter-ah a tarlang a, hemi rual hian ramchhunga hmeichhia leh mipa inthliarna awm ṭhin chu titawp turin a ngen.

Modi chuan hmeichhe naupangte chuan zirna aṭanga sports lam thlengin, kawng hrang hrangah hnuhma ṭha tak an hnutchhiah a ni, a ti. India ram chu hmeichhia leh mipa naupang thliarhranna awm lohna rama siam tura theih≠tawp chhuah ṭheuh turin a ngen a, hmeichhe naupangte chuan an theihna phochhuak turin hun ṭha leh remchang an nei ve vek tur a ni, a ti.

Rel-ah glass ceiling vuah dawn

Indian Railways chuan rel-a luxury coach-ah khualzinten khaw thlirna ṭha an neih theihna turin glass ceiling vuah a ni dawn tih a sawi.

Indian Railways Catering and Tourism Corporation (IRCTC) chairperson AK Monacha chuan luxury coach-ah hian chair vir thei te dah a ni ang a, khualzinte tan khawthlir theihna ṭha tak a awm dawn a ni, a ti. Hei hi tourism tihchangtlunna tura hmalakna peng pakhat a ni tih sawiin, Dcember thla aṭangin hman
ṭan tum a ni, a ti. Luxury coach chei hna hi Chennai-a Integral Coach Factory leh Research Designs and Standards Organization (RDSO) ten IRCTC thurawn pek angin an thawk a ni.